Registria di ba ins!
Sou, do kaunnst di ba ins registrian, deis hoaßt du suachst da oan Login-Nauman aus (baischpüüswaise "kaschpal23" und oa dazuagehöriges Passwoat. Dei zwoa Sochn suitast daunn do unt ainischraibm (deis Passwoat zwoamoi, zua Sichahait damitst di net vatippst) und guat meakn, damizt di ban näxtnmoi wida aumöödn kaunnst.
Waunnst das net sou gean meakn wüüst oda kaunnst, nochand kaunnst ba "Automatisch aumöötn" oba a "joo" sogn, daunn bist jeezmoi waunnst ba dein PC hiaz wida auf insa Saitn geest automatisch augmööt.
Und, natialich nua waunnst moxt, kaunnst ins dain echtn Nauman und/oda dain Schpitznauman (dea schteet nochand scho vuaberaitet do, waunnst iagandwo wos ainischraibst, zan Baischpüü ban Aal-Schpüü) oda eMail-Adress hintalossn. Brauchst owa net unbedingt.
Waunnst olls hiigschriim host wost wüüst, druckst oafoch auf "Registrian & Aumöötn" und as geet scho um, vuarausxetzt dein Login-Nauman gipps bishea nou net. Sunst muaßt da an naichn ausdeinkn.
Ah jo, genau!
Natialich wean säimtliche Aungobm dei do harinn gmocht wean, absolut vatraulich behaundlt. Mia san jo koane Vabreicha. Eis weaz sicha net mit Massn-eMails zuagmüllt wean nua wals do aicha eMail-Adress ainagschriim hopps.