Hiaz gibts an Blog wo imma is neiaste vo da Bande bericht wird!
Ausserdem san vü neige Büdl do. Und zwor zum 2. Skiurlaub am Nossföd vo 2006, vom Skirulaub in Haus 2007, vom Fuassiturnier in Miazsteg und vo da Bandenweihnochtsfeier 2007.
Hoffentlich kumman vo aundere Bandenmitglieder no mehr Büdl dazua.
Deis is damit a a Aufruaf an die Bandenmitglieder fest in Blog einizschreiben und Fotos auffastzstön.

Damit jeda zu die Bandensitzungen und Montogsbier findet, gibts jetzt a Kortn dei aunzagt wo die Wirtshaiser san!

Bandenzauber in da Veitsch: die Büdl san do!

Vü neige oide Büdl gibts zum aunschaun: Vom Skiurlaub 2005, vo da Geburtstogsfeier vo Massi und Vroni, Nova Rock 2005 Büdl, Steff und Sandra Obschiedsfeia, Stubenbergsee 2004 und 2005 und die Krönung vom Chrisi zum Bierhäuptling

Die Fotos vom Fuaßiturnier in Födkirchen, wou di Bande wieda amoi iwalegn gwunnan hot, san do! Zicke zacke, zicke zacke...

Da Ginge und is Kläusle san jetzt offiziö Bandenmitglieder und a auf da BandenHawi-Seitn zum sechn. Mia gfrein ins, dass sei dabei san.

Büdl vom NovaRock und vom Kroatien-Urlaub vo da Bande (Daunkschen Alux!) san do! Außerdem kennts jetzt endlich is Webmail benutzen (Is im Menüpunkt Bande zum finden). Wer no ka Mail-Adress hot, sui si beim Propagandaminister mödn!

Büüdl vo Steff und Tom eanara Beatles-Session im Steirapub san do! 2 Stund und 1 Minuten homs ohne osetzn Beatles gspüt!
Ausserdem san zwoa neige Links do, beim oan (1000 Oatn a Bia aufzmochn) gaunz schenan Daunk an an Lukas, der mir den zoagt hot. Da aundare zoagt auf die Seitn vo insare Mitglieder vo die Four Rousis.

As gipp easchte Büüdl van Obmaunn saina Draissga-Faia! Do keinnz amoi schaun wia schnöö a Maunn oitan kaunn!

Büdl vom Fuassiturnier und vom aunschliaßandn Ibizafest san do!

Is eindreschn auf di gaunze Bande hot begonnen! Beim Prügelspü san olle Bandenhaawis (außerm Kvasi; Büdl her, Kvasi!) dabei! Sogts olle brav "Danke Schni"!

Eis sogts deis gibt net? Gibts wui! Mia hom hiaz a Forum! Do kennts eich beschimpfen, lieb hobn und zum Bier trinken aufruafn!
Da Link durthin is unta Gäste oder do in da linkn Spoitn!

Die Büdl wos da Alex am Schiurlaub gmocht hot san hiaz a zum aunschaun!

Endlich wieda Urlaubsbüdl! In oagn Schiurlaub in da Flachau kennts eich hiaz aunschaun damit si da oane oder aundere sei valurane Erinnerung auffrischn kaun!

Die Büdl vo da Geburtstogsfeia vo da Frau Vizekanzler im Sägewerk kennts eich hiaz aunschaun!

Fotos vo da Silvesterparty beim Mass san online! Und da Mutombo hot an neichn Status!

Die Bandnmemba Seitn is jetzn aktualisiert wurn. Olle neign leit san jetzt a zum sechn!
Und oan neign Link gipps auf die Seitn vo Liquid Ice!

Ualaubsbüüdl vo Griichnlaund san do! Oba aufpassn: As san nämli genau 166 Schtuck! Keinnt scho sai, dass do a weingal Zait brauchz zan olle auschaun!

Oan neign Link gibts. Leida net vü mehr, owa schauts'n eich trotzdem aun.
Is nämli der vom Cu in Launganwaung.

Da Laif-Tschett is do zan ausprowian! Schauts oafoch unta "Gäste" eini do fints daunn scho hi! Owa zeascht miassts aich registrian, oafoch auf Login druckn und oan Nauman aussuachn, waunns nou koan hops.
Und zwoa naiche Videos gipps aa nou, olle zwaa van Nossfööd-Ualaub! Vüü Schpass!

Homma aa scho laung geplant ghopp: Hiaz kau oa jeda dea wos si aumööt ba ins sein Seimpf zan jedn Büüdl dazuegeim! Oafoch nua auf di grosse Ausicht gee und wos ainischraim!

A wundascheens Aischtiixbüüd homma hiaz! Die Woahait is eindli auns Liacht keimman! Mia hooms jo imma scho xogg...
Und ob jetz gipps a fia olle Fraind & Membaz oa Meiglichkait zan Aumöötn mit Passwoat und ois! Oafoch rechts ouman klickn, nochand seechts scho wias geet!

Videos san do!!! Zumindest amoi di easchtn zwaa van Nossfööd, findn tuatsas unta "Spezi-aal/Videos"!
Und: glei no a poa Büüdln van Ualaub, und obndrauf san hiaz eindlich di naichn Mitglieda aa drai (Unta "Die Bande"). Sou, hiaz gee i owa schloofm.

Tschuidign, tschuidign! Sou laung hoz nix mea naix geim do harinn, owa hiaz tuat si ouft ainiges! Ois kloan Vuagschmock gipps fias easchte amoi a poa Büüdln van Nossfööd-Ualaub haia, und nou a poa va da Wainochtsfaia, dei wou si in main Foutoabbarat vaschteickt hoom. Und: insare Houfa-Rechnungan mit Läinganvaglaich gipps aa zan seegn unta "Spezi-aal"! Pfiat eink dawäü!

Soudawossa, wida naiche Büüdln! 94 Schtuck deismoi! Und zwoa unvaöüffantlichz Materiäü van Faaker See 1999, in Janz saina Gebuatstogsfaia Aufaung 2000 und van Antenne-Schitoog in söübm Joa. Und nou extra wööche dei ma gfundn hom vo Nossfööd 2000 & 2001 und aus Schpanien!

Buaschn & Maadln, as is eindli souwait: Insa Prügl-Schpüü is fiati!!! Und zwoa mit oin wos dazua gheat! Sogoa oa Hai-Skoa-Listn mit di beistn 100 Schpüüla homma aigricht! Do weama daunn echt sehgn, wea si am wockastn schloogt. Und nou wos aundas gipps ob hiaz: Auf da Schtaatsaitn (dera do) homma fia insare beistn & beliibtastn Sochn an Direkt-Link aigricht, ouft brauchz net oiwäü sou vüü umanaundaklikn! Vüü Schpass!

Zerscht amoi an olle a guats neix Joa! Laung hotsi do harinn nix mea tau, owa hiaz sand wieda amoi a poa Büüdln dazuakemman. I hob nämli nou a Packl va insan Nossfööd-Ualaub ausn 2000a Joa gfundn, wou ma schei dem Wule sai zwaits Hian (auf sain Haxn drauf) siicht. Und di Fotos va di zwoa Feistln vua Wainochtn san hiaz aa drai. As wiad si in näxta Zukumpft woascheinlich eifta wos tuan auf deara Saitn, miassts hoit imma wieda amoi ainaschaun!

Souda, laung hots dauat, owa hiaz san eindli die Statuten und die erschtn Protokolle do! Keinnz nochschaun bei "Bande", wos mia ois nou vuahom in da Zukumpft. Deis is näimli goa net weinig.

Sou, geistan homma di easchte uantliche Bandn-Sitzug ghopp, und deis woa eigantli da vulle Eafuig. Deis Protokoll weaz nochand in Küaze bei da Bande nochleisn keinnan. Wias seegn keinnz hom mia seit geistan a neix Bandn-Mitglied, den Reini. Seawas Reini! Ahjo: und as san in di leitztn Tog wieda a poa Büüdln dazuakemman. Oba deis woa nou laung neit ois. A kloanes Daunkescheen mechti do inzwischn no ausschprechn, wäü di Houmpeitsch dou gaunz guat bsuacht is und duachweix pousitive Reakziounan va eink kemman. Gfrait ins! Und deis obwui di Peitsch nou laung neit fiati is! Nua weida sou!

Hait san wiida a poa Büüdln dazuakeimman. Näimli dei van Boigi saina Hittnparty auf da Rozui in Ouktouwa und nou a poa öütare vo insan Schpanien-Ualaub. Schauzas eink au!

Hiaz is deis Gäistebiachl aa scho drai wous eich auf insara Houmpeitsch vaeewign keinnz! I woaß olladinx nou neit oubs aa hunatprouzeinti hiihaut. Owa prowiatsas oafoch aus, hätti xogg! Waunns schwiarikaitn hops, miaßzas hoit eezaitig sogn!

Sou, hiazn is insa Aal-Schpüü aa featig, sou richtig mit Steanweatung und ois! Und eis keinnz aa eichare Nauman ainischraibm, damit a jeda waaß wain dea Bleedsinn aigfoin is!

Hiaz geht scho wieda a bissl mea: Eis keinnz hiaz mitschpüün ba insan Aal-Schpüü! Schauts eini ba di Sprüche duat sehgts daunn eh wias geht. Vüü Spaß!

As gipp wieda wos neix do! Hiaz homma a poa meara Büüdln va die Ualaube do, und mit die Bandn-Gfriisa homma aa scho augfaungan. As wiad jo schei launxaum. Miassts hoit weita fleissig einaschaun do, dass näimli da zöüla do ouman aa schei auffigeet. wäü deis taug ins.

Leida gipps hiaz nou net vüü zan seegn auf insara Houmpeitsch. Oba deis wiad si houffantli boid endan.
Mia miassn hoit nua schaun dasma olle insare Büüdln amoi gschaid zaummsuachn und aiskennan, ouft werd des schou wos weadn. Wäü Büüdln homma jo haifti gnua. Und woffane! Scheissts eink olle au!!! Werma segn, mia tuan sou schnöö wias hoit geht, prowiatsas hoit baizaitn amoi do nochischaun ops wos naix gipp.
Äüsa, i wea hiazn hoamfoan auf Graz und schee kamout a Kriagl in Saglweach saufm gee (oda vielleichzn aa zwaa).Pfiat eink!