Bandn Blog

Bier Drive-In

noreply@blogger.com (Dizzy) — Mon, 17 Nov 2008 15:49:00 +0000

Das sollte man bei uns auch mal einführen: Bier Drive-Ins wie hier in Mexiko.

Praktisch wenn man von der Arbeit rausfährt und sich für den Heimweg 2 Tütn mitnimmt ;-)

Düsseldorf

noreply@blogger.com (BMXBande) — Thu, 13 Nov 2008 19:01:00 +0000

Griaß eich!

So, jetzt probier i diesn blog a amoi aus.

Bin grod in Düsseldorf unterwegs, auf den Spurn von den Toten Hosen :-)

Hob mir dafür übrigens ein heimatliches Hotel ausgsucht, wie im Bild ersichtlich.

Auf bald euer
alux

Bandenweihnachtsfeier und -sitzung

noreply@blogger.com (Dizzy) — Tue, 11 Dec 2007 09:53:00 +0000

Letzten Saumstog hom wir noch launga Zeit wieda amoi a Bandnsitzung obghoiten. Und weus vo da Zeit grod passt hot, is a gleichzeitig a Weihnochtsfeier gwordn. Stottgfunden hot deis gaunze im Propölla in Graz. Leider wors owa a bissl laut, so fia wichtige Punkte koa richtige Diskussiaunskultua zstaund kemman is.
Owa trotzdem homma endlich leidige Theman klären kennan, wia so finanziölle Gschichten, wo sie die Bande erschtmois auf an externan Funktionär einigen hot kennan der wo die Kassiererei mocht, no dazua wos a Nicht-Mitglied is: die Claudschn. Dei wird uns Buamma die Wadl viari richtn, wenn ma net zoin.
Da Wule hot sie netterweis bereiterklärt das Projekt Bandenleibal aunzgehen. Deis hoaßt er muaß si ums Design kimman (wuascht ob ers söwa mocht oder aundere damit betreut) und die Produktiaun in Auftrog geben.

Gfreit homma uns natirli, dass die oide Schaunkdüsn, da Reini, wieder guad vo da Wödreise hamkumman is und a brav erschienen is.
Iwahaupt wor die Aunwesenheit sehr erfreilich, weu bis auf 4e olle kemman sein, wos scho mehr ois 3/4 oller Mitglieder ausmocht.

An genauen Bericht kimmt daun hoffentlich vom Boigi, unserem Schriftfiahra, der wos den daunn do einastöt.

Büdl findets wie gehobt in unsarm Büdl-Obschnitt.

Eicha Lump,
Dizzy

Griaß eich beim Bandn Blog

noreply@blogger.com (BMXBande) — Mon, 26 Nov 2007 08:10:00 +0000

Nochdem mia jo a Bande san und es leider do zwenig Leit gibt, dei wos si mit da Erstöllung vo Inhoit auf Webseitn auskennan, hob i mir amoi docht, i richt do an Blog ein, damit jeda vo da Bande do Gschichtl und Sochn einaschreibn kaunn, wo ea moant, dass deis wen intaressiat.

Richtig in Schwung kemman sui deis gaunze dann ob da Bandn-Sitzung am 8. Dezemba, wou daunn olle informiert wern, wia ma deis do mocht.

Bis dohin wird deis do eh koana lesn, owa Wuascht.

Bis boid,
eicha Dizzy